"Фәрештәләр күз яше" торты
⠀
Кирәк әйберләр.
Камыр өчен:
1 стакан он
1 балкашыгы көпшәкләгеч
80 г акмай
2 аш кашыгы шикәр комы
1 йомырка
⠀
Эчлек өчен:
500 г эремчек
ярты стакан шикәр комы
3 йомырка сарысы
1 аш кашыгы манный ярмасы
100 г каймак
1 кап ванилин
⠀
Суфле өчен:
3 йомырканың агы
3 аш кашыгы шикәр оны
⠀
⠀
Камыр:
Онны көпшәкләгеч белән кушып, өстенә суытылган акмайны тураклап салабыз.
Йомырканы шикәр комы белән бергә кушып, барсын кушып камыр басабыз.
Әзер камырны, азык плёнкасына төреп, 30 минутка суыткычка куеп торырга кирәк.
⠀
Эчлек:
⠀
Барсын бергә, блендер ярдәмендә болгатырга.
⠀
Суфле
Әз-әзләп шикәр оны кушып ⠀йомырка агын күпертергә,
⠀
Әзер камырны суыткычтан алып, кырыйлар ясап җәябез.
⠀
Шуның өстенә эремчекле эчлекне агызабыз.
⠀
180 градус температурада духовкада 20-30 минут пешерәбез.
⠀
Шуннан соң алып өстенә суфле сылап, кире духовкада 10-15 минут матур төскә кергәнче тотабыз.
⠀Духовканы сүндерәбез, ишеген ачып шунда суынырга калдырабыз.
40 минуттан соң тортның өстендә тамчылар барлыкка килергә тиеш.
